பாலியல் வன்முறை

பாலியல் வன்முறை என்பது ஒருவர் மீது திணிக்கப்படும் அல்லது கட்டாயப்படுத்தப்படும் பாலியல் தொடர்புடைய செயல்கள். எடுத்துக்காட்டாக: பாலியல் துன்புறுத்தல் அல்லது பாலியல் வன்கொடுமை, பாலியல் வற்புறுத்தல், குழந்தை பருவத்தினரிடம் பாலியல் துஷ்பிரயோகம், பாலியல் தீண்டல்/சுரண்டல் அல்லது கற்பழிப்பு. இணையத்திலும் பாலியல் வன்முறைகள் நடக்கின்றன. எடுத்துக்காட்டாக, உங்களுடன் இணைந்து வாழ்வோரின் நெருக்கமான படம் அல்லது புகைப்படப் பதிவுகள் சமூக ஊடகங்களில் அனுமதியின்றி விநியோகிக்கப்பட்டால்.

பாலியல் வன்கொடுமை அனைத்து சமூக வகுப்புகளிலும், வயதுக் குழுக்களிலும் நிகழ்கிறது. மேலும் யார் வேண்டுமானாலும் இதைச் சந்திக்க நேரிடலாம். சுவிட்சர்லாந்தில் பாலியல் வன்முறை தடைசெய்யப்பட்டு தண்டிக்கப்படுகிறது.

பெரும்பாலான பாலியல் குற்றங்கள் அந்நியர்களால் செய்யப்படுவதில்லை ஆனால் நம்முடன் ஜோடியாக இணைந்து வாழ்வோர், முன்னாள் ஜோடியாக இணைந்து வாழ்ந்தோர், தெரிந்தவர்கள் மற்றும் சக ஊழியர்களால் செய்யப்படுகின்றன. பாதிக்கப்பட்டவர்கள் பெரும்பாலும் வெட்கப்படுகிறார்கள் மற்றும் குற்ற உணர்ச்சியால் பாதிக்கப்படுகிறார்கள். உதவி பெற தைரியம் வேண்டும். இருப்பினும், கற்பழிப்புக்குப் பிறகு, மருத்துவப் பரிசோதனை செய்து கொள்வது அவசியம். பின்னர் காவல்துறையிடம் புகார் அளிக்கலாம்.

நீங்கள் அல்லது உங்களுக்குத் தெரிந்த ஒருவர் பாலியல் வன்முறையை அனுபவித்திருந்தால்:

மருத்துவப் பரிசோதனை, முடிந்தால் 72 மணி நேரத்திற்குள் மருத்துவ பரிசோதனை செய்யுங்கள்.

• உங்கள் குடும்ப மருத்துவரின் அலுவலகத்தில் மருத்துவப் பரிசோதனை மற்றும் காயங்கள் பற்றிய ஆவணங்களை நீங்கள் பெறலாம்.
• அவரைத் தொடர்புகொள்ள முடியாவிட்டால், ஆர்காவ் மருத்துவ அவசர எண்ணைத் தொடர்பு கொள்ளவும், 0900 401 501 (நிமிடத்திற்கு 3.23ப்ராங்க் , லேண்ட்லைன்).

தடயவியல் மருத்துவப் பரிசோதனை

• ஆராவ் மாநில மருத்துவமனை உடல் ரீதியான மற்றும் பாலியல் வன்முறையால் பாதிக்கப்பட்டவர்களுக்கு இலவச தடையவியல் மருத்துவப் பரிசோதனைகளை வழங்குகிறது.
• உங்களது தகவல்கள் ரகசியத்தன்மையுடன் கையாளப்படும்.
• வன்முறையின் விளைவுகள் ஆவணப்படுத்தப்பட்டு தடயங்கள் பாதுகாக்கப்படுகின்றன.
• விரும்பினால், நீங்கள் ஆர்காவ் பாதிக்கப்பட்டோர் ஆலோசனை மையத்திற்கு அனுப்பப்படுவீர்கள்.
• தொடர்புக்கு: வன்முறையால் பாதிக்கப்பட்டோருக்கான தடயவியல் மருத்துவ பரிசோதனை மையம், 062 838 64 62.

தொடர்பு நேரங்கள்: திங்கள் முதல் வெள்ளி வரை 8 மணி முதல் 12 மணி வரை மற்றும் மதியம் 1:30 மணி முதல் மாலை 4 மணி வரை. www.ksa.ch

ஆதாரங்களைப் பாதுகாத்தல்

• நீங்கள் உடனடியாக ஒரு குடும்ப மருத்துவர் அலுவலகத்திற்கு அல்லது மருத்துவமனைக்குச் செல்ல முடியாவிட்டால், ஒரு காகிதப் பையில் ஆடை போன்ற ஆதாரங்களை வைத்திருங்கள்.
• ஆன்லைன் உரையாடல் வரலாறுகள் மற்றும் குறுஞ்செய்திகளும் ஆதாரமாகச் செயல்படலாம். இந்தத் தரவுகளைக் காப்புப் பிரதி எடுக்கவும்.

கூடுதல் ஆதரவு

• ஆர்காவ் பாதிக்கப்பட்டோர் ஆலோசனை மையம் சட்ட மற்றும் உளவியல் உதவியை வழங்குகிறது.
• குற்றவியல் புகாரைத் தாக்கல் செய்வதன் நன்மைகள் மற்றும் தீமைகள் பற்றிய தகவல்களையும் இது வழங்குகிறது.
• நீங்கள் புகாரைத் தாக்கல் செய்தாலும் செய்யாவிட்டாலும், காப்புச் சிகிச்சைக்கான செலவுகள் பாதிக்கப்பட்டோர் ஆதரவால் ஏற்றுக் கொள்ளப்படும்.
• தொடர்புக்கு: பாதிக்கப்பட்டோர் ஆலோசனை மையம் ஆர்காவ், 062 835 47 90 அல்லது ஆன்லைன் உரையாடல், www.opferberatung-ag.ch