ስነ-ኣእምሮኣዊ ዓመጽ እንታይ እዩ?
ስነ-ኣእምሮኣዊ ግህሰት ሓደ ዓይነት ዘቤታዊ ዓመጽ ክኸውን ይኽእል። ከም ጸርፊ፡ ውርደት፡ ምፍርራሕ፡ ናይ በደል ምድንጋር፡ ምጭዳር፡ ናይ ሞት ምፍርራሕ፡ ምድጓን፡ ሸለልትነት ህጻናት ወይ ኣረጋውያን፡ ቅንኢ ዝመልኦ ባህርያት ወይ ስነ-ኣእምሮኣዊ ራዕዲ ዝኣመሰሉ ዓመጽቲ ተግባራት የጠቓልል። እዚ ንኣቑሑት ምዕናው ወይ ንእንስሳ ዘቤት ምግፋዕ እውን የጠቓልል።
ስነ-ኣእምሮኣዊ ዓመጽ ማሕበራውን ቁጠባውን መልክዓት እውን የጠቓልል። ሓይልን ምቁጽጻርን ምጥቃም ዓቢ ተራ ኣለዎ።
- ማሕበራዊ ዓመጽ፦ ንኣብነት ሓደ ሰብ ምስ ኣባላት ስድራቤቱ ወይ ኣዕሩኽቱ ከይራኸብ ክልኩል እዩ። ወይ ድማ እቲ ሰብ ምስ ናይ ስራሕ መሳርሕቱ ክራኸብ ከሎ ይቆጻጸር።
- ቁጠባዊ ዓመጽ፦ ሓደ ሰብ ክሰርሕ ይኽልከል ወይ ክሰርሕ ይግደድ። ፋይናንሳ ይቆጻጸር፡ ይድረት፡ ይውሰድ ወይ ድማ ብገንዘብ ይምዝመዝ።
